英國伯明翰一位警員憑著自己超乎常人嘅記憶力,係8年間認出超過2,000名疑犯,而戰績彪炳嘅佢近日更獲提名今年度嘅「勇敢英國人獎」(Amplifon Awards For Brave Britons 2020)。


根據外媒報道,43歲嘅警員蒲柏(Andy Pope)喺2012年加入警隊,主要負責交通巡邏。蒲柏早喺2018年就因為認出1000名疑犯而獲頒「警察局長獎」,而擁有超強記憶力嘅佢今年更累積認出超過2,000疑犯,甚至試過係一日內認出17名疑犯。


對於自己擁有超強嘅記憶力,蒲柏則表示,好難解釋自己點解會記得,而自己亦無受過特別嘅訓練,只係會有一種「就係佢喇!」嘅直覺,而佢亦好開心自己可以為國家做出貢獻,並希望2022年可以累積認出2,500名疑犯,繼續保障市民嘅安全。


圖片來源:SWNS