女仔每個月都會嚟一次月經,經血有時唔覺意漏喺條褲上其實都幾尷尬,但呢個絕對唔可以成為被人恥笑嘅理由!台灣有個男同學就當眾取笑女同學條褲沾染經血,而分享呢件事嘅網民嘅囝囝睇唔過眼男同學所為,企出嚟護花。網友紛紛大讚囝囝做得好,仲讚佢有好家教。

有網民喺Facebook群組「爆怨2公社」發帖指,宜家啲家長無好好灌輸小朋友正確嘅性教育,導致囡囡班上有女同學著內衣都被男同學取笑,而佢囝囝更因此同男同學嘈交。原來囝囝班上有個女同學因褲上沾染經血而被男同學取笑,女同學喊咗,囝囝覺得好嬲,就企出嚟鬧嗰個男同學,仲反問對方:「你媽媽沒有月經嗎?你阿嬤沒有月經嗎?你阿嬤的媽媽沒有月經嗎?你垃圾桶撿的嗎?女生沒有月經沒辦法生小孩的,幹嘛笑她?」網民為囝囝嘅行為感到驕傲。一眾網友留言讚囝囝:「思維很棒」、「好帥」、「以後一定是暖男」,同時亦讚囝囝嘅家教好。

圖:網上圖片