聖誕假期,有唔少市民選擇到郊外散心,遠離市區內人群。聖誕節當日(25日)就有網民喺「香港行山路綫及資訊谷」專頁發文指責好多人行山冇帶走自己垃圾。 

網民Queenie Law就喺25日發文,指責行山友,表示「今日上獅子山頂可惜我沒有垃圾袋,周邊的人也沒有」,問大家「點解唔可以將自己垃圾帶走呢」,其他網民見到呢個帖文都表示憤怒。


有網民見到相片,留言「口罩咁污糟都唔收好,亂播細菌」,又指「太過份了,我行山幾年都沒留過一次膠樽垃圾在山。無功德心的人真多」,有網民戲稱「獅子山頂堆填區」,亦有網民指「今日上緊大東山有人食煙」,網民即時斥責當事人唔好喺山食煙,指會有山火。



另外有網民(Ricky Law喺專頁上載相片,27日傍晚自發喺獅子山執垃圾。

圖片來源︰Facebook@香港行山路綫及資訊谷