澳洲一位年僅 9 歲嘅小朋友 Tadyn Flood 早年因為媽媽唔肯買Apple Watch 比佢,於是決定自食其力,開展一門販賣香薰蠟燭嘅生意。而佢更成功憑著呢門生意,係短短一年內賺到 1.5 萬美元(約港幣 11.7 萬),去買自己嘅心頭好。


最初 Tadyn 只係根據 YouTube 上嘅教學影片,自行製作香薰蠟燭,並將成品賣比親朋好友。後來媽媽帶 Tadyn 到週末市集上擺檔,就令到佢嘅生意亦越做越大,每個星期甚至可以賣出價值超過 300 美元嘅蠟燭。


由於 Tadyn 每次存款到銀行金額太多,所以年紀輕輕嘅佢甚至要申請一個銀行帳戶,並學習如何理財。 而Tadyn 嘅亦媽媽表示, Tadyn 嘅創業經歷對佢嘅學習同樣有幫助,因為 Tadyn 學識咗點樣打理一盤生意。


圖片來源:Instagram@candlebytf