早前美國一班航機上有一名疑似染疫嘅乘客喺飛行途中暈倒,當時一位熱心嘅男乘客奮不身上前幫手進行急救。雖然呢名熱心男隨後確診新冠肺炎,但佢依然表示無後悔出手救人,令人敬佩。


根據外媒報導,涉事嘅航班係由奧蘭多飛往洛杉磯,而喺飛行途中一名乘客就出現冒冷汗、呼吸困難等症狀,甚至一度休克。當時同機嘅一名男乘客 Tony Aldapa 就主動為佢進急救,而過程更持續咗 1 小時。


可惜最終該名乘客送院後證實不治,而 Tony 更陸續出現失去味覺同嗅覺等病徵,並確診新冠肺炎。不過 Tony 卻喺 Twitter 上表示,自己無後悔出手救人,因為見到有人面臨生命危險嘅時候唔可能袖手旁觀,佢甚至指自己應該再早啲去幫手。


圖片來源:BACKGRID