近日有Facebook專頁發文指,有網民係馬路上發現一隻比較平嘅「聖誕鹿」。不過所謂嘅「聖誕鹿」其實喺一架用咗樹枝去裝飾嘅私家車,所以該專頁就笑稱呢個係「香港最窮聖誕裝飾比賽」,而事件亦成為網上熱話。


從該網民分享出嚟嘅相片可見,車頂兩邊都用膠紙貼咗兩條樹枝,企圖以樹枝扮「鹿角」。而該架車嘅車主其後更係專頁現身說法,分享私家車嘅正面照,並指加上車頭嘅「紅鼻子」就係完整既「聖誕鹿」。


事件曝光後,不少網民紛紛大讚車主有創意,並留言笑道:「BUDGET放曬落D膠紙度」、「最大嘅投資應該係要搵兩條配合得到嘅樹枝」、「將大自然同科技產物完美融合,無價」。


圖片來源:Facebook@香港做設計慘過食屎協會