今個聖誕,全世界嘅人都過咗一個非常特別嘅節日。泰國曼谷每年嘅聖誕節都會根據傳統,扮成聖誕老人探訪當地小學,不過今年大象派俾小學生嘅就唔係禮物,而係口罩。

曼谷市郊一間小學,喺平安夜前夕出現4隻著住聖誕服飾、戴上特製巨型「口罩」嘅大象。佢哋化身「抗疫大使」,用象鼻捲起裝有口罩嘅籃,將口罩分俾學生同校園外嘅司機,向校內小朋友推廣防疫嘅重要性。4隻大象大城府象園管理員Ittipan Paolamai表示,大象喺聖誕節造訪校園嘅活動已經舉辦咗17年,由於近來新型冠狀病毒感染人數增加,所以利用呢個機會來提醒民眾加強防疫。

圖:人民視覺