港隊又再次揚威國際!八名中學生代表香港參加第五屆國際大都會奧林匹克,共奪得兩面金牌、五面銀牌同一面銅牌嘅佳績,更喺團體賽中贏得金獎。

國際大都會奧林匹克涵蓋資訊科技、數學、物理同化學四個學科嘅國際比賽。今屆國際大都會奧林匹克喺12月16至22號舉行,約有230名來自31個國家或城市嘅學生參與。而受新冠疫情影響,參賽者要喺所屬國家或城市參賽。香港代表隊喺今屆奧林匹克表現出眾,喺資訊科技組比賽中,香港培正中學嘅楊汶璁、荃灣官立中學嘅謝昶豪分別奪得一面金牌同一面銀牌;數學組比賽中,聖保羅男女中學嘅朱卓熹同賴煒諾各獲得一金一銀;至於物理組比賽,就由拔萃男書院嘅劉思進同King George V School嘅郭嘉楷各得一面銀牌;最後化學化學組比賽,由拔萃男書院嘅李鎔智、優才(楊殷有娣)書院嘅梁振鋒分別取得一銀一銅。

教育局局長楊潤雄讚揚港隊表現優秀,並指當局一直致力推動科學、科技、工程及數學(STEM)教育,以切合世界發展趨勢。港隊在本屆比賽中取得佳績,充分顯示香港學生喺STEM方面嘅優厚潛質。

圖:政府新聞網