聖誕節前夕應該係去採購聖誕禮物、熱熱鬧鬧準備過聖誕嘅時候,可惜一場世紀疫症破壞咗呢一切。英國玩具店D. Emlyn Lloyd日前呼籲民眾,喺封城前先買好聖誕禮物,Ryan Powell同佢嘅合夥人Paul Jones就決定合資,將成間玩具店嘅商品通通買下,計劃幫無辦法準備禮物嘅家長送出。

Ryan嘅公司大概有80位員工,佢知道好多人都等緊聖誕節前嘅人工嚟買節日用品,所以當佢見到玩具店嘅貼文章嗰陣,就同妻子一齊聯繫店家,買曬玩具鋪嘅所有商品。Ryan表示,佢明白今年大家經歷嘅痛苦掙扎,好多單親父母無辦法帶小朋友去購物,佢更對自己無早啲開始實行呢個愛心行動而感到抱歉。除此以外,Ryan另外開咗眾籌平台,預計集資5000英鎊(約5.2萬港幣)嚟幫助更多家庭。

Ryan同Paul嘅善舉已經幫助咗至少23個家庭、65個小朋友,而幫手分送玩具嘅Margaret Rees就表示:「整件事得到超乎預期的熱度,但大家正在經歷的困境仍讓人心碎」。

圖:FB@ Ryan Powell