做咗26年救護員,泰國男子Mana Srivate救人就救得多,不過救象都真係第一次。幾日前佢深夜收工後,遇到一隻同同伴過馬路、但被電單車撞倒嘅小象,Mana即刻上前幫佢急救做CPR。10分鐘後,見到小象企返起身,Mana感動到差啲流下男兒淚。

Mana話拯救生命係佢嘅本能,加上佢睇過一啲網路影片,推測小象嘅心臟喺邊,於是幫小象做CPR。雖然佢喺過程中非常擔心,「因為我可以聽見小象的媽媽與同伴們一直在呼喚寶貝」。好彩小象傷勢唔重,經急救後終於可以企返起身慢慢移動,之後被送去其他地方治療,Mana表示:「我都要哭了!」

圖:india.com