聖誕節係一個普天同慶嘅日子,有人話聖誕背後精理念係付出同施予。

22日就有院舍為中度智障人士費盡心思搞咗個「白色聖之旅」,鄰舍輔導會就喺Facebook專頁發文,表示「一眾院舍的同事絞盡腦汁」。 

呢間院舍喺東涌怡東軒,職員將院舍布置成機艙,俾院友可以「飛」到芬蘭感受白色聖誕,又搞笑咁話「即日來回芬蘭」及「Stayflycation 」。 

Facebook帖文圖片可見,職員將隔板製成娛樂顯示屏,仲整埋登記閘口,連服務人員都換上空中服務員裝束及飛機師服裝,場景還原得非逼真,人都扮到惟妙惟肖。

唔少網民激讚院舍為呢一群智障人士嘅付出,令佢地可以真切感受到聖誕歡樂嘅氣氛。有網民留言,「真係好窩心,上次搞酒樓,令老友記飲茶食點心,今次仲勁,直頭衝上雲霄……無得頂」,仲有真空姐想參與埋一份做義工,大家都覺得院舍好有愛同有心,又有網民提出幾個主題話唔好停,例如海底奇兵或侏羅紀公園等。

圖片來源︰Facebook@鄰舍輔導會