疫情除咗改變咗人嘅生活模式,都改變咗人嘅生意模式。

香港中華廠商聯合會21日起以線上形式舉辦今年嘅工展會,為期31日,至明年120日。廠商會指頭兩個鐘已經有約10萬人流覽,希望市民喺疫情下都可以體驗到工展會。

廠商會會長吳宏斌指,疫情實行嘅措施及禁令,令零售市受挫,為咗配合現時社會狀況及「電子購物」趨勢,今次「網上工展會」有160間參展商參與,提供唔同優惠及6大展區俾市民揀選商品,包括「香港名牌廣場區」、「食品飲料區」、「糧油麵食區」、「參茸海味湯料區」、「生活家居區」及「美容保健區」,市民仲可以用電子優惠券喺唔同展區購物。

第二副會長徐晉暉透露,今次「網上工展會」利用平臺協助企業喺聖誕新年旺季推廣產品,以提升生意額。大會每日朝早11點會推出低至1蚊同1折嘅「工展至抵閃購」俾市民搶購,而參展商亦會喺唔同活動時段推出55折以下超值產品。 

徐晉暉希望,展期中適逢聖誕及新年假期,市民足不出戶下都能夠網上購物,感受一下工展會嘅歡樂氣氛。 

詳情︰https://hkbpeonline.com/ 

資料及圖片來源︰工展會


左起分別是第二副會長徐晉暉、廠商會會長吳宏斌及廠商會候任會長史立德。