聖誕節,想出街又想避開人潮,有乜好得過行山呢?假如仲可以應吓節,喺十字架前祈禱或靜思,咁就更加啱Feel啦!沙田道風山,不但有十字架,仲有充滿中式情調嘅教堂,絕對係聖誕郊遊嘅好去處,不過謹記要保持安靜,唔好破壞呢度嘅寧靜呀,當然仲要嚴守社交距離啦!

方便易行

道風山一大好處,就係方便易行,由沙田市中心出發大約半個鐘就到,非常方便,而且成條路基本上都係石屎路,全無難度大家只要由沙田站B出口沿左手邊嘅天橋向下行,到地下左手邊就係排頭村,而喺沙田鄉事委員會旁有條小斜路一條通往道風山小路

因為只有一條路,所以基本上唔會行錯。行到中段會變成車路,就係道風山路,大家只要轉右,沿道風山路直上,大約15分鐘就嚟到一條分岔口,選擇右邊條路,就到達道風山基督教叢林啦!

中式建築

道風山基督教叢林由挪威傳教士艾香德牧師Karl Ludvig Reichelt1930年興建,目的是向本地佛教及道教徒傳道。入面有聖殿、有靈修、有展覽嘅地方地方,為咗融入本地文化營造親切感,呢度大部分建築都極富中國特色,其中教堂不但寫著「聖殿」兩個字,仲有啲似佛教嘅守廟呢。

穿過中式建築,就會發現一條山林小路,指示通往十字架,小路只夠一個人行,前面有個好中式庭園地方,十字架就係喺呢度啦!站在十字架下面,你會覺得係幾咁渺小,抬頭仰望,十字架上寫「成了」兩個字,配上藍天白雲作背景,感覺很壯觀。而喺十字架後面,仲可以俯瞰沙田市中心嘅景色添!

不過提提大家,嚟到呢度打卡時,切勿興奮到大叫,難得嚟到呢個靜修之地,應該慢慢閒逛,又或者安坐一會,享受難得嘅恬靜!

圖片來源:LOOOP.HK


想去道風山,大家只要由沙田站B出口沿住天橋向下行。


由天橋落到地下,左手邊就係排頭村,而喺沙田鄉事委員會旁有條小條小斜路,就係一條通往道風山嘅小路啦。


行到中段會變成車路,就係道風山路,大家只要轉右,沿道風山路直上。


大約15分鐘就嚟到一條分岔口,選擇右邊條路,就到達道風山基督教叢林啦!


道風山基督教叢林大部分建築都極富中國特色。


呢幅壁畫,用國畫風格嚟展示道風山嘅地形。


教堂不但寫著「聖殿」兩個字,乍看仲有啲似佛教嘅守廟呢。


教堂前方有條路,就係前往十字架之路。


小路只夠一個人行,路牌指示通往十字架及昇天屋等。


再行一會,便會見到一道「生命門」,寫住「窄路進者少內有永生」。


「生命門」背後更有孫中山嘅題字。


穿越「生命門」,係一片空地,內有一座感恩亭。


空地嘅盡頭就係十字架所在地啦,後面可見到沙田市中心風景。


十字架上寫上「成了」兩個字,配上藍天白雲作背景,感覺很壯觀。



道風山地圖