近年愈嚟愈多日本商店都引入咗一款名為「Pepper」嘅機械人,去解決人手不足嘅問題。可能呢款機械人真係好幫得手,但佢嘅外型就未必咁討好喇,因為漫畫家山本さほ日前就係Twitter上分享自己到機械人餐廳食飯嘅「恐怖經歷」。


山本さほ係帖文表示,自己日前到機械人餐廳「Pepper PARLOR」食飯,但隔離枱嘅「Pepper」就一直以一個空洞嘅眼神望住佢,而後面個兩個「Pepper」都好似偷望緊佢,令佢有一種被人監視嘅感覺,成餐飯都食得好唔舒服。


其實「Pepper PARLOR」係一間以「人類同機器人共生」為主題嘅餐廳,餐廳內除咗有「Pepper」外,仲有好多唔同類型嘅機器人擔當唔同職務,一起為客人提供服務,當中識得用雙腳步行嘅機器人「NAO」甚至會跳舞嚟娛樂食客。


圖片來源:Twitter@sahoobb,Pepper PARLOR