第36屆中國數學奧林匹克喺上個月22至28號喺湖南長沙舉行,香港隊由於疫情原因,無法親到現場參加,只能夠透過在線監督實時同步應考。佢哋嘅最後成績令人鼓舞,奪得一面金牌、四面銀牌同一面銅牌嘅佳績。

今屆比賽總共有456名來自32個省市同自治區嘅學生參加,其中六名係本港嘅學生代表,均取得驕人成績。英華書院嘅游証恩奪得一面金牌,香港培正中學嘅陳祉軒、聖保羅男女中學嘅朱卓熹、拔萃男書院嘅徐子豐同梁譽曦各獲一面銀牌,而荃灣官立中學嘅謝昶豪就取得銅牌。

教育局局長楊潤雄讚揚港隊表現出色,成績令人鼓舞,顯示學生喺數學方面嘅卓越才華。佢補充,將盡快完成優化高中數學科同其餘三個核心科目課程以及實施評估,為學生創造空間,照顧佢哋嘅多樣性,加強推動STEM教育。

圖:政府新聞網