英國一位開設熨衫店嘅青年近日就諗到一個創意方法去幫助無家者,佢利用熨斗嘅熱力將薯片袋黏埋一齊,製成一張保暖毯送比無家者。曾經係無家者嘅佢更指,「薯片袋暖毯」不但保暖同防水,仲可以縫入睡袋使用,有效幫助無家者禦寒。


23歲嘅青年波里特(Miley Porritt)細個時曾被收養,而15歲就離開寄養家庭嘅佢曾經有5年時間要係朋友家借宿,住青年旅館,甚至露宿街頭。由於佢深知無家者嘅苦況,所以佢就諗到利用薯片袋製成保暖毯,送比缺少禦寒衣物嘅無家者。


波里特表示,每張保暖毯都需用到77個薯片袋,所以佢就係網上呼籲別有心人捐助薯片袋。如今佢就收到逾2萬個薯片袋,而他同店員每日更用6小時製作,希望可以送出百張保暖毯比無家者。


圖片來源:DREW GARDNER