氣溫近日急跌至13度,長者或者弱勢社群呢個時候特別需要關愛,好彩有社企雪中送炭。

銀杏館早前(13Facebook專頁籌募Love Project 禦寒衣物收集行動,行動非常成功,一呼百應。據知,經過分類及揀選乾淨衣物後,14日起就喺各區分發,包括中環、油麻地、太古、深水埗、油塘及長沙灣六間分店。同時,向已登記嘅飯友派發免費福飯之餘,順便派埋衣物。 

銀杏館表示,14日到油麻地及太古店取寒衣嘅有獨居長者、露宿者、低收入等貧困人士。一位婆婆話:「真係及時雨,好有用!」。到傍晚,一位需要用拐杖行路嘅老伯衣衫單薄,佢黎到拎飯盒時,見到有寒衣派發,好歡喜咁話:「好彩有衫派,我真係好凍!」伯伯又表示,「我唔知今日會咁,但可惜當時無現存寒衣有適合佢嘅尺碼。員工請佢暫時拎一件寒衣保暖,伯伯拒絕話:「俾左其他人先,佢地都需要衫」。15日,員工預備咗一件加大大碼俾琴日拎唔到禦寒衣嘅方伯伯。方伯很高興拎過寒衣後話:「好彩你仲記得我!」

銀杏館表示,感恩週日(13日)專程來銀杏館捐寒衣嘅有心人。又指,「一群受惠者的快樂表情可見,他們的喜出望外,是因為真的需要」。

圖片來源︰銀杏館