唔少市民依家都改為網上購物,好少出街買野,消費者委員會就喺琴日(15公布,早前實測5間超市網購服務,表現差強人意,又表示要改善新鮮及急凍食品運送嘅質素。消委會亦指,今年相關投訴高達952宗,較去年上升1倍,超市要加快改善,又提醒市民取貨後要即時核對同檢查貨品。

消費者委員會實測咗五間網上超市百佳、HKTV Mall、惠康、city’superbig big shop),以消費者身份,喺每間網上超市各交易5次,每次購買15件相同或同類型指定貨品,包括新鮮、急凍、預先包裝食品,以及日用品,再比較各網站嘅使用方便程度、送貨安排及貨品到貨嘅質素。

消委會表示,網上購買新鮮或急凍食品風險不容忽視。喺25次測驗中有24次冷藏或容易變壞食品溫度偏高,其中city’super豆腐溫度達攝氏18.6度,鮮奶則高於15.6度,遠超衞生署《食物衞生守則》中運送有潛在危害食物,必須保存食物攝氏4度或以下;所有冷藏食物中,百佳急凍燒賣送抵時溫度最高,達攝氏20.8度。另外,送抵貨品質素參差,big big shop,雪葩溶解成液體,糖水流出箱,肉類及餃子更解凍;city’super係送咗腐爛提子及熟透至變黑「出水」香蕉,包裝上嘅標貼顯示日期為5日前。

消委會提醒,如果訂購冷藏或易變壞食品,一旦屋企未有人收貨,應及早通知商戶送貨員唔好將啲食物擺喺屋企門外或大廈管理處等冷藏設備地方,以免構成食安風險。

圖片來源︰消費者委員會


消委會表示,職員以一般消費者身分5間本地網上超市進行實試,發現網上訂購新鮮或冷凍食材表現大多欠佳,最差情況係用咗1日時間先完成整個訂購程序;貨物落單後26日先送到;食材送到時已破爛變壞、不宜食用等。