口罩已經成為呢一年嚟全世界人嘅必需品,尤其喺宜家口罩供應較充足嘅時候,大家更加關注口罩嘅質量。消委會抽取咗本港市面上30款口罩做測試,其中有10款獲得滿分(5分)評價,其中最平只售每盒(50個)98蚊。不過亦有3款口罩含菌量超出歐盟要求,更有一款嘅平均顆粒過濾效率(PFE)只得86.64%,未能達到聲稱嘅ASTM Level 2水平。

消委會抽取嘅30款外科口罩,每個口罩平均售價約2至9蚊,其中18款聲稱來自香港、8款來自內地,其餘則聲稱來自台灣同越南。測試結果顯示絕大部分(29款)樣本嘅平均細菌過濾效率(BFE)、平均顆粒過濾效率(PFE)均達95%以上,即達到美國材料和試驗協會(ASTM)F2100標準嘅一級要求(Level 1)。只有一款聲稱嚟自越南嘅Perfetta Disposable High Filtration Face Mask,PFE只得86.64%,未能達到聲稱嘅ASTM二級要求。

測試結果亦顯示,9成(27款)樣本嘅含菌量都低於歐盟水平,只有3款超標,每克細菌菌落總數由 41.7至159.4以上,超出歐盟標準1.39至5.31倍不等。

圖:網上圖片