疫情關,今年聖誕有別於以往,可能唔似得以前咁熱鬧,但人心都可以好熾熱。就好似我地嘅受訪嘉賓Santa Vincent,唔單止帶俾人歡樂,仲係一個會傳授嘅聖誕老人,令快樂延續。

Santa Vincent從事聖誕老人魔術師超過15年,朋友一次提議,搖身一變魔術師化身為聖誕老人,每逢聖誕節都會為大家帶來歡樂;又開設課程培養年輕一代魔術師Vincent有一句口頭禪就係︰開心錢開心賺

訪問中,Vincent透露12年前嘅一個經歷啟示咗佢。當年,佢同朋友以義工身份到一間兒童醫院表演籌款,表結束後,朋友就話俾佢聽「有個細路女哭得好犀利,好聖誕老人送個公仔俾佢」。當時佢已經着翻一身休嘅衫,另外兒童醫院位處偏僻,但佢最後都決驅車到市區買個公仔,再返回醫氹小女孩。過咗兩日,朋友就通知佢小女孩過身。呢個經歷令Vincent深切體會到,「要珍惜當下,你不知道明天……下一分鐘、下一個小時會發生什麼」。

另外,係人都會有喜怒哀樂,Vincent都會有心情唔好嘅一日。佢都明白「有時唔需要講,可你一個眼神、一個小小動作,觀眾就會知」,所以佢都要求自己,包括公司藝人同旗下學生,要以最專業嘅一面行出來,令歡眾享受表演。

最後,Vincent強調做好聖誕老人魔術師係「先做好人」。Vincent表示,人好重要,人嘅言行舉止正面同陽光,係可以影響到人。Vincent有一句話想同年輕人講,「所有機會都係要自己爭取,唔係靠人地俾,人地俾唔會值錢,自己爭取返來就會很值錢」。

Santa Vincent Facebook專頁︰

https://www.facebook.com/santaclausmagicianhongkong