近日法國一名環境研究員,工作期間係一箱將被丟棄嘅舊信件中,發現咗大約200封來自二戰時期嘅情信。而佢更加因為唔想浪費咗呢啲心意,所以係網上展開一場尋人嘅行動,希望將情信送返去收件人嘅手中。


該名環境研究員Cécile指,信件係1942至1945年間(即二次世界大戰期間)撰寫,由一名到外地從軍嘅男子Pierre寫比情人Aimée,而書中嘅內容就圍繞著Pierre從軍時嘅日常生活同孤獨。


Cécile係發現呢啲情信之後,隨即在Twitter上發文尋人。而係網絡力量嘅幫助下,最終亦成功搵到Aimée嘅女兒Claudine。而更令人驚喜嘅係,Claudine指自己嘅爸爸就是Pierre,當年佢結束咗3年嘅戰地生活後,就回到家鄉同媽媽結婚,並生下自己同姐姐兩人。


圖片來源:Twitter@CecileFlpp