往年一到冬天,好多人都會去日本北海道睇雪,但北海道除咗雪景之外,仲有一個奇景,就係湖水嘅「結冰泡泡」(アイスバブル)!

結冰冷凍泡泡?原來北海道一到冬天,湖水就會結冰,喺呢啲大冰塊下面,不時可以見到結冰泡泡,係北海道冬天嘅奇景之一。據日媒報道,其中一個經常出現呢啲結冰泡泡嘅遠內多湖(オンネトー)附近有座火山,火山會喺湖底湧出氣體,但由於湖面結冰關係,呢啲氣體無辦法浮出水面,就慢慢喺水中凍結,形成咗結冰泡泡。網民見到呢啲結冰泡泡,不禁讚嘆:「實在是太美了」、「這正是大自然一手打造的藝術」、「沒被白雪覆蓋的湖面也這麼美」。 

除咗結冰泡泡之外,湖水亦會受日夜溫差影響,冰塊不斷交替熱漲冷縮,令湖水發出好似科幻片UFO咁嘅聲。

圖:fnn.jp