台灣有一名網民喺社交網站分享同領養返黎嘅小黑狗嘅日常,令網民動容。

社交網站Facebook網民「Onizuka Zai」,經常喺網上發布關於小黑狗發貴嘅一點一滴,網民非常不解點解要用4條狗帶綁住佢行街,原來背後原因係咁動人!

發貴之前係一隻流浪狗,即使被人收養後得到悉心照顧,之前流浪經歷都令佢變得特別警惕,好難適應作為寵物狗嘅生活。當中主人付出咗好多心機同努力,教佢喺指定地方廁所,到牽繩去街,每一步都唔容易,一步一步令發貴放下戒心。


發貴啱啱到屋企嘅時候非常怕生,到屋企6日都只願意匿喺籠到,仲憋尿憋咗4日,先主動自己走出籠去廁所排泄。


由於發貴喺外面流浪慣,難以控,所以帶發貴出門先要綁4條狗帶,驚佢走失後就搵唔返。

對領養流浪狗返屋企就有一番建議。啱啱開始時,牽繩後唔好即刻出門,先俾佢熟悉一下。狗咬繩嘅時候,唔好大力拉扯同大叫,咁樣做啲狗會以為你同佢玩,所以千祈唔好同狗鬥力。正確做法係,定住唔好拉扯,等狗狗無聊後鬆口就獎勵佢﹔等狗狗熟悉狗繩後,先帶佢喺屋企行下,走順咗狗狗就唔會再咬繩。

圖片來源︰Facebook@Onizuka Zai