新冠肺炎確診數字連日來再度攀升,又再次令唔少市民減少外出用餐,如果真係局住要堂食,都格外小心。網上近排流傳一張相,相入面嘅主角用一個大膠袋將自己連同台面嘅飯餸一齊笠住,高度防疫令網民大感驚奇,不過亦有網民表示睇到好心酸。

有網民發文形容呢張相「高度防疫罩食茶餐廳,99%減低感染機會」。相片被廣泛轉發、討論,有人覺得相中人太誇張:「咁驚不如唔好出街」、「咁驚?好心佢買外賣回家吃啦」,但有網民就認為呢個係保護自己同屋企人嘅負責任行為:「望落幾好笑,其實好悲哀」、「佢可能有苦衷要喺街食先會咁做,可能係一個養全家,唔病得」、「睇到眼濕濕,好明顯著住制服」。亦有網民分析指,雖然咁樣可以保護自己同其他人,但如果食物有病毒或廚師、夥計確診,就避無可避。

圖:FB@自由市場