全球塑膠污染嚴重,越來越多海洋生物因誤食塑膠垃圾而死。台灣海洋委員會海洋保育署近日喺台中雲林縣沙灘發現,世上最大嘅海龜——「革龜」陳屍岸邊,屍體旁邊仲有一堆塑膠垃圾,不禁令海巡署慨嘆,海龜到死後先終於唔使食膠袋。

facebook專頁「海巡署長室 Coast Guard」幾日前在其facebook專頁發文表示,今個月1號喺雲林岸際發現革龜(Dermochelys coriacea)嘅屍體。革龜最大可以長達3米、重1000kg,台灣自從1997年開始,第一次紀錄到革龜出現係2001年,第二次已經係2007年嘅事,可見革龜數量非常稀少。體型龐大嘅革龜可以潛入海底1000米覓食,但佢哋食嘅食物,有9成都係無營養嘅、喺水入面嘅形狀似「水母」嘅膠袋。不過為咗生存,革龜只能倚靠大量進食來彌補營養不足嘅問題。海巡中部分署幸福講堂亦留言指:「心痛,人類對不起你」。

圖:FB@海巡署長室 Coast Guard