近排天氣乾燥,好容易發生山火,但就有行山人士喺山上食煙,更將煙灰彈落地,被唔少網民狠批其行為無公德心,分分鐘釀成山火,害人不淺。

有網友喺Facebook群組「香港行山路綫及資訊谷」分享兩段影片,並發文指喺大帽山行山期間,見到有班人著到周身名牌喺度食煙,更隨手將煙灰彈落地。網友回程嗰陣仲發現頭先食煙嗰班人嘅同一位置有膠樽,懷疑佢哋將飲完嘅膠樽周圍丟。唔少網民睇完之後紛紛派嬲:「山火點算?真係冇常識喎」、「好怕引起火警,山上咁多人,唔好害人」、「一身名牌打卡唔是問題,山上食煙真係罪大惡極」、「食少陣煙會死?」

圖:香港行山路綫及資訊谷