近日德國波恩大學一個考古團隊宣布,成功破譯一塊5000年前嘅巨石上嘅象形文字。而呢一塊嚟自埃及嘅石上原來寫著「蠍子王荷魯斯的領地」,並好有可能係世上現存最古老嘅地名標誌。


該石頭2年前係阿斯旺(Aswan)東部一條早已乾涸嘅河流河床遺址被發現,而石上嘅象形文字由一個蠍子圖,以及另外3個圖案組成。為咗了解文字背後嘅含意,考古團隊同埃及文物部門合作破譯,最後佢地就靠石頭右上角嘅圓形圖案,得知巨石所在嘅地方係當時統治者嘅領土。


波恩大學嘅埃及古物學家莫倫茲(Ludwig D. Morenz)教授表示,「蠍子王」係生活喺公元前3070年嘅一個統治者,同時係世界歷史上第一個領土國家出現階段的重要人物。而石上嘅文字更顯示咗當時尼羅河流域古國擴張嘅進程,有助學者了解古埃及國家的崛起及其相關文化。


圖片來源:University of Bonn