近日有考古團隊係哥倫比亞境內嘅亞馬遜雨林,發現咗一幅長達13公里嘅巨型史前岩石壁畫,而年代可追溯至到 1 萬 2,500 年前。由於壁畫保存良好,並紀錄咗大量係冰河時期已經絕種嘅動物,相信可以為古生物研究提供珍貴嘅資料。


根據外媒報道,壁畫繪有大量已滅絕的冰河時期動物,包括巨型樹懶、長毛象和史前的駱駝科類動物等。除此之外,壁畫上亦描繪咗人類當時嘅居住環境,以及狩獵同耕種嘅情形,而壁畫上甚至有唔少史前人類嘅手印。


受當地嘅氣候影響,如此保存良好嘅史前文物實屬罕有,所以團隊指該壁畫可媲美文藝復興時期,著名畫家米開朗基羅在意大利西斯廷教堂創作的穹頂畫「創世紀」,而佢哋仲相信附近地區會有更多類似嘅畫作。


圖片來源:MARIE-CLAIRE THOMAS