近排天氣凍冰冰,最啱就係打邊爐暖笠笠。不過內地西安一間火鍋店除咗邊爐暖笠笠,連店內嘅氣氛都超熱!事關入面嘅侍應全部都係上半身只著圍裙嘅肌肉猛男,不斷騷肌擺甫士,客人話要合照、斟酒、落蝦滑、摸肌肉等要求全部都盡力滿足,搞到一眾女客人個個無心食飯,睇到㷫合合啊~

呢間hot爆嘅火鍋店主打「高顏值、好身材小哥哥」侍應,連上菜嘅方式都非常特別,由猛男侍應排住隊出來,每人手上拎一、兩碟菜,視覺效果一流。唔止係咁,客人仲可以要求猛男幫手落蝦滑、斟酒、合照等,就摸肌肉、抱起客人等要求亦一一滿足,被網民形容係「女生的天堂」,所以店內客人以女性居多。呢間鋪長期爆滿,都唔知係入面嘅火鍋太好食,定係猛男太吸引?

網民紛紛求店鋪地址,甚至興奮留言:「想原地結婚」、「沒心思吃飯,矜持點」、「充斥男性荷爾蒙的地方」。唔少網民推測呢班肌肉男侍應身材咁fit,好可能係之前係健身教練,由於受疫情影響而暫時轉行維生。


圖:網上圖片