正所謂高手在民間,有內地管理員執到一隻失狗,於是畫咗幅狗狗畫像貼失狗認領告示,告示話狗狗「長得很潦草」,睇到人一頭黑人問號。但網民見到狗狗本尊嗰陣,紛紛大讚畫像「神還原」!

內地網民喺社交平台上載一段短片,話說有位好心人執到某住戶嘅狗狗,於是將狗狗交俾管理員安置。管理員就手畫咗張認領畫像貼喺牆上俾主人辨認。大家見到告示上寫住狗狗「長得很潦草」,都唔明點解。直到見到狗狗本尊,網民不禁讚歎管理員畫得超傳神:「根本靈魂畫家」、「被管理員工作耽誤的畫家無誤」、「超級像,各種細節都有到位XD」、「神還原!」。


(狗狗真面目)

圖:抖音截圖