口罩已經成為全世界人出門必備,但始終口罩遮住鼻同口,見唔到人嘅表情、笑容,增加咗人與人之間嘅溝通隔膜。羅馬尼亞一位設計師為此專登推出一款名為「Social Mask」嘅透明電子面罩,Social Mask唔單止具備過濾功能,仲可以提醒用家避開病原體多嘅地方添。

Social Mask包括一個3D打印嘅框架同透明面罩,內置過濾器同生物傳感器,當面罩檢測到空氣中病原體含量達到危險程度嗰陣,會透過手機應用程式提醒用家。而面罩側臉位置仲設有體溫顯示器,等周圍嘅人一眼就知道用家係咪發緊燒,咁以後去行街食嘢,入人哋鋪頭前就唔使再量體溫,方便得多喇~。

圖:designboom