新冠肺炎疫情持續,導致唔少人失業,經濟唔好,真係想話食餐好嘅都唔捨得買貴餸。好彩,香港人勝在有互助互愛精神,粉嶺祥華街市有魚檔近日就提供免費魚俾有需要嘅街坊自取,等佢哋可以有餐好餸食~

粉嶺祥華名都區議員陳旭明,喺其社交平台上載兩張魚檔嘅相,發文表示,祥華街市魚檔(達江漁業)負責人指宜家每晚7點15分後,檔口會有魚俾有需要嘅街坊免費自取,先到先得,派完即止。並指希望為社區出一分力,亦請各位幫手同有需要嘅街坊講聲。唔少網民留言讚好:「好人一生平安」、「大大力去買魚先」、「祝生意興隆」,不過亦有網民表示擔心:「我擔心貪心人去拿而唔係有需要人拿」、「是否需要派一些人手係街市維持秩序,避免引起混亂」。

圖:FB@ 陳旭明Dino - 祥華 名都