房協早前斥資超過1,000萬元，翻新喺油麻地駿發花園嘅「長者安居資源中心」，又加咗兩個「樂齡家居」示範單位，面積大約150至200平方呎，展示多款新穎「樂齡科技」家居設施 ;老人家亦可以即場參與健康測試。資源中心今日（12月1日）開幕，市民可以上網預約參觀，費用全免。
房協經理（長者服務）李惠婷表示，中心翻新後引入超過一百項樂齡科技產品，希望透過推動樂齡科技應用及居家安老，提升長者生活質素，以減低照顧者負擔及對安老院舍嘅需求。
兩個「樂齡家居」示範單位分別為200呎同250呎。李惠婷指，其中200呎單位採用咗無障礙設計，例如喺家居配扶手、床邊裝監控，當老人家發生意外，照顧者立即知道情况，而睡床利用電動遙控，可以變成「床椅」甚至直立形態，行動唔方便嘅老人家訓喺床都可以慢慢旋轉睡床，「由睡變坐或企」。
中心除咗展示示範單位及樂齡示範單位外，都會為老人家設健康測試，包括測試長者平衡力、視覺靈敏度、認知能力等，每項大約2.5小時。房協期望，未來唔受疫情影響之下，新中心每年可以吸引參觀人次1.5萬。
圖片來源︰房協長者安居資源中心
長者可以到「健康大道」區域做唔同嘅健康測試。
樂齡科技如可摺疊便廁沐浴椅。
樂齡科技如電動輪椅護理床。
詳情可以到以下網址瞭解及預約參觀︰
評論：
共0 條評論