為咗避免救護車喺塞車嘅時候,無辦法及時到達目的地拯救傷者,法國巴黎嘅緊急服務處 (Paris Emergency Services (UMP))近日就推出咗一架「救護電動單車」,比救護員可以係塞車嘅路段上左穿右插,盡快到埗。


雖然呢架「救護電動單車」體型預小巧,但車頭位置亦設有 150 公升容量嘅收納空間,用嚟擺放急救用品及藥物。而藍白配色嘅車身,以及上面「Emergency Bikes」嘅字樣亦令市民容易辨識並及時讓路。


由於「救護電動單車」嘅操作方式同單車無太大分別,所以無車牌嘅救護員或者醫生都可以使用。而單車同時配有 500 Wh 電池以及 Bosch 中置摩打,可以提供 160 km 續航力,絕對滿足日常嘅使用需求。


圖片來源:Wunderman Thompson Paris