今年真係唔容易嘅一年,疫症令到所有人只可以留喺屋企,做唔到咩活動。而臨近聖誕,世界各地嘅大小朋友亦都好難好似以往咁可以好好享受「白色聖誕」,去芬蘭聖誕老人村探聖誕老人變左「天方夜譚」。

而最近終於有一個好消息﹗Airbnb宣佈同聖誕老人及聖誕藝術家合作,舉辦一系列線上活動慶祝聖誕,仲包含咗同「真・聖誕老人」視像對話,俾世界各地嘅人都可以安坐喺屋企歡度聖誕,又可以幫到主要靠每年聖誕節慶祝活動維生嘅藝術家渡過難關。

疫症大流行令各國封關,旅遊業停頓在所難免,本來主要靠聖誕慶祝活動維持生計嘅聖誕老人村及藝術家,都不得不面對沉重經濟壓力。同時間,世界各地旅遊人數大減亦令住宿配對平台Airbnb生意大跌。兩者就攜手合作共度時艱,Airbnb搖身一變成為網上活動中介平台,令世界各地聖誕藝術家可以喺網上舉辦各種聖誕慶祝活動,例如小型聖誕音樂會、聖誕故事分享會,身在芬蘭聖誕老人村Lapland嘅聖誕老人都不甘示弱,黎緊都會親自同大家視像傾偈!

想深入體驗聖誕文化嘅朋友,就唔好錯過同美國百老匯歌手學唱聖誕歌,另外仲有學整聖誕布偶、學聖誕手語等。又有一系列關於聖誕飲食文化工作坊教大家喺屋企自製聖誕食品、特飲及甜品。

活動依家可以開始報名啦,費用由幾十去到幾百港紙都有,大家可以用個人身份報名或團體包團。唔想錯過同聖誕老人傾偈嘅話,就要快啲到Airbnb嘅「Santa Claus is coming to Airbnb」網頁了解更多詳情及報名啦。除咗聖誕活動之外,大家都可以搵到好多推廣各地文化藝術嘅節目!

圖片來源︰Airbnb 官方網站


線上聽聖誕故事!


線上學整聖大餐!

有得同聖誕老人傾偈!

想了解詳情,可以瀏覽以下網址︰

Santa Claus is coming to Airbnb網站:

https://news.airbnb.com/santas-comin-to-airbnb/

聖誕及其他文化節目:

www.airbnb.com/happyholidays