好多人都好羨慕熊貓嘅生活,生得超可愛不特止,仲係國家一級保護動物,受盡保護,每日嘅工作只係食同瞓。同樣係國家一級保護動物嘅野生金絲猴,近日闖入村民屋企,村民好食好住招待佢,而金絲猴亦樂不思蜀,足足喺村民屋企住咗成個月!連當地林業部門都無佢乎,因為金絲猴係受保護動物,有權利自主生活。

內地社交平台流傳一段短片,片入面嘅金絲猴會接過村民俾佢嘅嘢食,大啖大啖食,就算被一班村民圍觀,佢都無有怕,淡定坐喺度食嘢。呢隻金絲猴最近「入住」咗陝西一戶村民屋企,小住咗起碼一個月,每日都有過百遊客專程去探望佢,餵佢食嘢,而金絲猴亦來者不拒,十足「山大王」咁款。

當地林業局定期派人去檢查金絲猴,佢嘅身體情況良好。對於金絲猴喺村民屋企住咗成個月,林業局嘅人表示佢哋亦無辦法驅趕或圈禁,因為金絲猴係受保護野生動物,佢哋有權利自主生活,所以只能夠放任佢住喺村民度。網民紛紛笑言,金絲猴一定見呢度好食好住唔想走,又話金絲猴係「猴中貴族」。但亦有網民批評,就算村民唔可以趕走佢,都唔不應該餵食,咁會影響佢喺野外覓食嘅能力。

圖:網上圖片