為咗令女性免受「月經貧窮」困擾,英國蘇格蘭議會近日就一致通過咗《衛生用品(免費供應)蘇格蘭法案》,同時成為全球首個免費提供衛生用品嘅地區。


其實所謂嘅「月經貧窮」係指有需要嘅女性因為貧窮而無法負擔衛生用品費用。根據2017年英國一項調查顯示,當地每十名女性中就有一人無法負擔購買生理用品,所以今次嘅法案可以話係解決「月經貧窮」問題嘅里程碑。


法案通過之後,蘇格蘭所有地方政府將有責任確保每一個需要嘅人,都可以免費取得生理用品。而指定嘅公共場所,例如社區中心、青少年俱樂部同藥房都會提供免費嘅棉條和衛生巾,每年開支達到2,400萬英鎊。


圖片來源:新華社