今年為李小龍誕生嘅80周年,為咗紀念呢位一代武打巨星,手繪師阮繼增 Jimmy Yuen 就以「手繪」形式,一共設計咗3部「李小龍80周年紀念電車」,而紀念列車將由即日起至明年1月2日穿梭港島鬧市。


本身是係車迷嘅阮繼增表示,今次嘅計劃係自己主動向電車公司申請,而佢亦無收取過任何設計費。佢只希望3部紀念列車可以吸引到街上嘅途人,甚至海外嘅李小龍迷, 從而振興本地經濟、旅遊,以及提升香港國際形象。


阮繼增早前亦為哥哥張國榮設計手繪巴士,不過相比起設計巴士車身,阮繼增就指設計電車車身嘅難度同要求更高,因為電車海報貼紙規定要全架車四面車身皆貼上,亦不可以覆蓋車窗,所以佢就足足花用咗3個月時間做資料搜集,以遷就車廂布局作去做設計。


圖片來源:Instagram@jimmyyuen8600