近日美國猶他州嘅偏遠地區出現咗一根神秘金屬柱,令人聯想起美國經典科幻電影《2001太空漫遊》入面,外星人立起嘅黑色方碑。


根據外媒體報道,猶他州公共安全部嘅人員日前駕駛乘直升機,協助野生動物資源部官員統計境內大角羚羊數量時,直升機駕駛員Bret Hutchings 就喺岩石間發現咗呢條金屬柱。從相片中可見,銀色嘅金屬柱同四周嘅紅色岩石格格不入,而且似係被人牢牢地固定係地上。


Hutchings 指金屬柱大約高約3至3.7米,而佢更估計金屬柱可能係一個藝術品,並出自一個新潮藝術家,或者《2001太空漫遊》嘅超級粉絲之手。


由於這塊金屬柱所處地區太過偏遠,為避免大量市民前去「打卡」,有關當局沒有透露金屬柱嘅確切位置,而當局亦隨後更發聲明中指:「無論你來自邊個星球,未經授權係聯邦管理嘅公共土地上安裝建築或藝術品即屬違法。」


圖片來源:Instagram@utahdpsaerobureau