疫情為各行各業帶嚟打擊嘅同時,亦都帶嚟咗一啲另類嘅商機。最近日本一名男子就係疫市中創業,以「流動模型店」作招來,成功吸引到唔少人嘅目光。


呢間名為「Hobby Shop Megadoc」嘅模型店係疫情期間創立,佢除咗提供一般嘅網購服務之外,更加會進行流動銷售,等一班模型迷係疫情下都可以享受到行模型店嘅樂趣。


店主會將模型裝上貨車,然後將貨車駛到唔同地方停低,並於社交媒體公開位置,等住喺附近嘅客人前嚟選購。由於日本唔少鄉郊都無模型店,所以呢間「流動模型店」都得到不少模型迷的支持。


圖片來源:Twitter@hsmd_manager