近日内地一間名為「都江堰鍾書閣」嘅新書店,憑著魔幻風格嘅裝潢成為咗年輕人嘅打卡熱點。而店內錯綜複雜嘅格局,以及一個個巨型書櫃都令人彷如置身哈利波特電影世界。


雖然呢間位於四川成都嘅「都江堰鍾書閣」只有兩層,面積亦只有973平方米,但設計師巧妙地以不規則嘅書櫃,配上鏡面天花和亮黑色的瓷磚地板,令面積有限嘅書店更具空間感,並且變得魔幻。


負責設計「都江堰鍾書閣」嘅設計師李想表示,書櫃嘅結構令成間書店變到很魔幻嘅同時都十分實用,可以收藏 8 萬多本書。不過書櫃頂部嘅書大多只係裝飾,只有讀者接觸到嘅位置先會放真書。


圖片來源:Instagram@xlivingart