由即日起至明年4月14日科學館都會有一個名為「機械人的500年」嘅展覽,等大家可以一睹500年嚟不同時期嘅機械人,以及同來自世界各地嘅先進機械人互動。


展覽分為五個不同嘅時期,展出超過100組獨特的機械人藏品,其中包括最早期嘅機械裝置,以至在科幻小說同現代實驗室裏嘅機械人。而呢啲展品都闡述咗工業革命、20世紀嘅大眾文化,以及人類對宇宙嘅理解,以及對未來嘅憧憬。


除咗呢啲嚟自唔同時期嘅機械人,科學館同時增設本地機械人展覽「智能新力軍」。五組機械人會即場示範燒焊工件、堆砌磚牆、營運無人商店同提供餐飲運送服務等,比公眾更了解本地科研機構如何將機械人技術應用係建造業同商業用途。


值得一提嘅係,科學館仲特別邀請咗跨媒體藝術家同電影視覺效果導演黃宏達於11月28日係演講廳主持分享會,介紹首位人工智能藝術家「A.I. Gemini」如何創作水墨畫。


圖片來源:科學館