雷生春係香港一級歷史建築,20124月仲活化成為非牟利機構經營嘅中醫診所。香港測量師學會舊年3月就舉辦咗「賞.惜.舊築跡」活動及比賽,當中微縮模型組(公開組別)冠軍由香港理工大學測量系二年級學生勞穎欣同學(Ada)1:200嘅微縮雷生春作品奪冠。

 Ada揀雷生春做參賽題目,係因為雷生春有歷史價值,有89年歷史,係少數二戰前仲遺下嘅轉角唐樓。而且,活化工程又有代表性,除咗保留原有建築特色之外,又保留咗雷生春提供中醫服務嘅特色,佢希望透過呢個作品俾大眾認識雷生春歷史同文物保育嘅重要性。

 Ada名作品為妙手回「春」,「春」寓意雷生春嘅藥可以令病人快啲好返,佢又認為測量師就好似一個樓宇醫生咁,幫助診斷出樓宇殘舊同破損嘅地方,然後進行加建同改善,為樓宇活化,令古舊嘅建築可以得到新生命。

 圖片源︰Facebook @ HKIS Heritage 賞.惜.舊築跡及機構提供


建築物原始結構以米色製作,如柱身、橫樑、石板和古典欄杆;灰色為活化後的新結構,如:鋼樓梯、滑門、玻璃欄和延伸外牆。