氣球易漏氣又易爆,好難用大量氣球嚟砌大型物件。不過土耳其伊斯坦布爾一班藝術家,早前就用咗15萬個可生物降解嘅環保氣球,砌出一個高7.86米、闊9.08米、長19.64嘅恐龍氣球展品,打破健力士世界紀錄,成為全世界最大嘅恐龍氣球作品。

健力士世界紀錄大全上星期喺社交平台上載一段短片,片由高處鳥瞰角度拍攝,重現呢隻巨型恐龍嘅製作過程,唔同顏色嘅氣球一個個串起嚟,再組裝成一個巨大組件,非常壯觀。呢個恐龍氣球作品,係伊斯坦布爾一個商場嘅「氣球動物王國」展覽入面嘅其中一件展品,由34位著名氣球藝術家同一班本地學生,一齊用咗兩日時間完成。

圖:guinnessworldrecords.com