你又有無諗過利人類可以利用蟑螂幫手做嘢呢?早前日本就有研究團隊係蟑螂嘅背部安裝微型電腦,將佢哋改造成可以被遙距控制嘅「生化蟑螂」(Calmbots),去為人類完成各種任務。


日本筑波大學嘅「數碼自然小組」(Digital Nature Group)透過微型電腦上嘅電極,去影響蟑螂嘅觸角神經,從而驅使佢哋推動物品、繪圖、甚至到達指定地點。而微型電腦仲包含一塊像素板,方便研究人員去辦認「生化蟑螂」,並給予佢哋唔同嘅指令。


雖然蟑螂嘅外形唔討好,但佢哋善於爬行、生命力強、能夠輕鬆在狹小的空間工作。所以研究人員就揀咗馬達加斯加蟑螂作為「生化蟑螂」嘅實驗對象,並希望未來可以利用佢哋嚟調查地震災區,尋找被困在瓦礫下嘅生還者。


目前研究團隊已成功控制單一蟑螂,而佢哋依家更著手設計一種基於「工蟻原理」嘅程式,令「生化蟑螂」可以好似工蟻咁樣合作進行工作,並識得係有蟑螂失控嘅時候自動補位。


研究團隊嘅測試影片:


圖片來源:Digital Nature Group University of Tsukuba