印尼一名男子近日係屋企工作嘅時候,一粒重達約2.5公斤嘅隕石突然從天而降落,砸穿屋頂墜落係佢屋企嘅陽台。而呢粒隕石隨後更被隕石專家以140萬英鎊(約港幣$1400萬)買下,令該佢係一夜間成為千萬富翁。


33歲嘅棺材製造師 Josua Hutagalung 表示,自己當時係門口嘅街上修理棺材,突然聽到轟隆隆嘅聲音,嚇得他即刻進屋查看,並係地板上發現咗一塊石頭。原本佢仲打算徒手執起塊石頭,但一碰先知石頭非常熱,唯有用鋤頭將佢掘出嚟。


事件曝光後, 美國隕石專家 Jared Collins 隨即趕往當地同 Josua 協商,並以140萬英鎊(約港幣$1400萬)將隕石買下。因為意外之財而成為千萬富翁嘅 Josua 目前已決定退休,並會係當地起一間教堂,而擁有3個仔嘅佢,未來仲打算生多一個女。


根據德州月球與行星研究所(Lunar and Planetary Institute)指出,隕石目前儲放係亞利桑那州大學嘅隕石研究中心。呢一粒隕石被歸類為CM型碳質球粒隕石(CM1/2 carbonaceous Chondrite),佢不但約有45億年歷史,更可能含有可以提供生命起源線索嘅元素。


Josua 發現隕石嘅經過:


圖片來源:Facebook@Josua Hutagalung