惠康超級市場益街坊!話說惠康喺第二期保就業計劃中拎到1.84億嘅工資補貼,政府就要求惠康起碼要回饋翻一半金額俾市民。

惠康就推出咗總值超過1.2億嘅「點點心意」回饋計劃,同260間慈善機構合作,今個月13日開始派200萬張現金卷俾有需要嘅人,總值成8000萬,計劃預計受惠人數達250,000人。

惠康就以小冊子形式派現金券及餐券各100萬張,包括4張50蚊現金及4張28蚊的餐券,總值312蚊。有小冊子嘅市民可以拎餐券到全港大部分7-Eleven店舖換領餐盒,並可以喺所有惠康門市用現金券,每次仲可以用多張。

「點點心意」計劃仲包括通過「Yuu Give Back」計劃配對捐款最多500萬元,同限制超過300款日常貨品價錢到出年3月31日。

惠康香港及澳門常務董事鮑敬康就話,感激一班慈善機構幫手,佢相信哩啲機構有能力將現金券同餐券送俾社會上嘅弱勢社群。

圖片來源︰Facebook@惠康超級市場 Wellcome Supermarket


計劃受惠者達25萬人。