早前日本一位達人就用幾個紙杯創作出遊戲《Final Fantasy VII》中嘅角色Tifa,而最厲害嘅係呢位達人竟然利用紙杯可旋轉嘅特性,為Tifa嘅頭髮、眼睛、嘴巴,甚至胸部加上活動式嘅設計,令角色栩栩如生。

從影片中可見,呢個用紙杯製作出嚟嘅Tifa,可以擰頭、眨眼,就連個嘴都識得郁,玩家絕對可以當佢係一個布偶,幫佢配音,做返場布袋戲。


呢位紙杯創作嘅達人亦有係IG上面分享自己嘅製作過程,以及製作時所需嘅紙樣,所以有鍾意DIY嘅讀者都可以試下整返個還原度咁高嘅紙杯角色。


圖片來源:Twitter@yossan_dayo