小編又有展覽推介喇~香港測量師學會獲發展局保育歷史建築基金贊助嘅「賞•惜•舊築跡」創作比賽,早前已經評選出多個獎項,而由即日起到11月22號(星期日)將會喺荃灣南豐紗廠1樓展出呢批得獎作品。大家欣賞作品嘅同時,亦可以發掘隱藏本土嘅歷史建築,認識文物保育嘅重要性。

香港有很多歷史建築值得保存,但因欠缺適時嘅維護,令人忽略咗歷史建築本身嘅美同文化價值,亦對住客、使用者同公眾嘅安全構成威脅。一系列「賞•惜•舊築跡」活動由舊年3月開始展開,意在向公眾推廣歷史建築嘅保育知識,鼓勵公眾參與文物保育工作。今次「賞•惜•舊築跡」創作比賽吸引超過60間中小學校及機構,逾750位參加者參賽,而今次展覽會展示24個得獎作品,包括7個微縮模型、4段微電影影片、6張繪畫作品同7張攝影作品。

圖:FB@ HKIS Heritage賞•惜•舊築跡