近日有網民喺 Facebook 群組上發文表示,父親睇完電影《麥路人》之後,整咗一個同劇中類似嘅雪櫃放喺佐敦嘅街頭,以提供免費嘅食物、日用品,甚至口罩比有需要嘅人士。


雪櫃同時歡迎街坊自行將食物放到雪櫃內供有需要人士自取,而藍色嘅雪櫃上更寫住「取你所需,送你所想」、「Give what you can give, Take what you need to take」、「免費」、「Free Food」、等字句。


該網民更提醒,由於雪櫃並無插電,所以如果有街坊有意送出食物嘅話,放餅乾、罐頭、即食麵等毋須冷藏嘅食物會較為合適。網民父親此舉獲不少網民大讚,有人更留言表示,希望自己區都可以有返一個類似嘅雪櫃。


圖片來源:Facebook@八鄉好士多 Pat Heung FantaStore